नेपालीहरू अमेरिकाको मूलधारको राजनीतिमा समेत बिस्तारै बिस्तारै समाहित र सक्रिय हुन थालेको देखिन्छ । नेपालीहरूले अमेरिकाको मूलधारको राजनीतिमा नेपालको पहिचान सहित आफ्नो अस्तित्व देखाउनु पक्कै पनि प्रेरणादायी कुरो हो । अमेरिका संसारको समृद्धशाली र विकसित मुलुक हो । देश विकासका विभिन्न सूचकका आधारमा आज संसारका थुप्रै मुलुक विकसित भए पनि अमेरिकालाई शक्तिशाली मुलुकमा एक नम्बरमा नै मानिन्छ ।
