न्यारोगेजदेखि ब्रोडगेज हुँदै आधुनिकतातिर लम्कँदै गरेको नेपालको पहिलो र एक मात्र रेल जयनगर–जनकपुरधाम–बिजलपुरा हो । करिब अढाई वर्षदेखि सञ्चालनमा आएको नेपाली रेलले नेपाल तथा भारतका जनतालाई खुसी दिएको छ भने आवतजावत गर्नेलाई सहजसमेत बनाएको छ । रेल सञ्चालनपछि कतिले रोजगारी पाएका छन्, कतिको व्यापार फस्टाएको छ तर करौडौँ खर्चेको रेल र रेलमा सवार यात्रुको सुरक्षाका लागि नेपाल रेलवे कम्पनी र रेलवे विभागले अहिलेसम्म कुनै कदम चालेका छैनन् ।
