नेपालजस्तो हिन्दुकुश हिमालय क्षेत्रमा अवस्थित पर्वतीय भूभागलाई विकासको मूल प्रवाहमा ल्याउन यहाँका कलिला पहाड, कमजोर भूबनोट, उपोष्णदेखि शीतोष्ण हावापानी तथा कठिन भौगोलिक अवस्थिति बाधक रहिआएको छ । यस्तो क्षेत्रमा बसोबास गरी आफ्नो जीवन कष्टपूर्ण तवरले निर्वाह गरिरहेका नेपालीको जीवनस्तरमा सुधार ल्याई यस क्षेत्रको समग्र विकास गर्न जनजनको बाँच्ने आधार र विकल्पहरू खोज्नुपर्ने हुन्छ । यसका लागि भरपर्दो, दिगो र निर्विकल्प उपायका रूपमा अगाडि आएको विकासको अवधारणा ऊर्जा, कृषि, पर्यटन र पूर्वाधारको विकास नै हो ।
