बिट्क्वाइनको विक्रीले बढायो टेस्लाको मुनाफा

निगमलाई किन चाहियो १३५ अर्ब ?

सरकारी स्वामित्वको वायुसेवा कम्पनी नेपाल वायुसेवा निगमले व्यवसाय विस्तारका लागि १ खर्ब ३५ अर्ब नयाँ ऋण लिनका लागि प्रक्रिया अघि बढाएको छ । उसले यसका लागि वित्त कम्पनीहरूसँग प्रस्ताव माग गरेको छ । भएका विमानसमेत सही व्यवस्थापन गरेर उडान गर्न नसक्ने निगमका लागि यति धेरै ऋण किन चाहियो भनेर प्रश्न उठेको छ, जुन जायज छ । विश्वमै वायुसेवा निकै प्रतिस्पर्धी बनिरहेको सन्दर्भमा नेपालले त्यसअनुसार व्यवसाय विस्तार गर्न ढिला भइसकेको कुरा साँचो हो । तर, विनाव्यावसायिक योजना अहिले जसरी ऋण लिनका लागि पहल थालिएको छ त्यसले भने अनेक आशंकालाई उठाएको छ । यसअघि चिनियाँ जहाज खरीदमा पनि गतिलो योजना बनाउन नसक्दा ठूलो रकम डुब्न पुग्यो । नेपाल वायुसेवा निगम सरकारी हस्तक्षेपका कारण उठ्नै नसक्ने गरी थलिएको छ । विमान खरीदका लागि लिएको ऋणको ब्याज थपिएर ४८ अर्ब पुगिसकेको छ । सरकारी जमानीमा लिइएको उक्त ऋण तिर्न निगमले सकेको छैन । निगमले अन्तरराष्ट्रिय उडानका लागि नयाँ विमान खरीद गरेको भए पनि तिनले व्यवसाय गर्न सकेका छैनन् । विमानको सही ढंगले व्यवस्थापन गर्न नसक्दा कहिले के बिग्रिएर त कहिले के बिग्रिएर बारम्बार ग्राउन्डेड हुने गरेको पाइन्छ । चाहे आन्तरिक होस् चाहे अन्तरराष्ट्रिय उडान, तिनको व्यवसायमा निगम निकै पछि छ । नयाँ उडान गन्तव्य खोज्न सकेको छैन । अष्ट्रेलियाको सिड्नी र अन्य केही देशमा उडान शुरू गर्ने भनिए पनि अहिलेसम्म कुनै सुनिश्चितता छैन । अर्थात् निगमको कार्यशैली निकै जुम्सो छ । यस्तोमा उसले जेजति विमान थपे पनि उचित व्यवस्थापन गर्न सक्दैन भन्ने नै देखिन्छ । हो, निगमसँग जति धेरै विमान हुन्छ त्यति धेरै उडान नियमित हुन्छ । मुनाफा पनि कमाउन सक्छ । तर, निगम सरकारको हस्तक्षेपका कारण कहिल्यै पनि व्यावसायिक बन्न सकेको छैन । अझ यसलाई दुहुनो गाई जस्तो बनाएर अवैध तरीकाले लाभ लिने प्रवृत्ति छ । विमान खरीददेखि विक्री एजेन्ट नियुक्तिसम्म, टिकट विक्रीदेखि मर्मतसम्म सर्वत्र भ्रष्टाचार हुने गरेको छ । यस्तो भ्रष्टाचार नरोकिएसम्म निगमको सुधारको थालनी हुन सक्दैन । निगमको सुधारका लागि हालसम्म सरकारले नौओटा अध्ययन समिति गठन गरेको छ र तीमध्ये प्राय: सबैले यसमा निजीक्षेत्रलाई प्रवेश गराउनुपर्ने वा विदेशी रणनीतिक साझेदार ल्याउनुपर्ने सुझाव दिएका छन् । ती सुझाव कार्यान्वयन गर्न कुनै पनि सरकारले आँट गरेका छैनन् । अहिले निगमले लिएको ऋण तुलनात्मक रूपमा केही महँगो छ तर त्यो ऋण महँगो भयो भनेर अन्य संस्थासँग सस्तोमा ऋण लिन खोज्नुलाई अन्यथा भन्न सकिँदैन । तर, विश्वका प्राय: सबै वायुसेवा कम्पनीले ऋण लिएको देखिन्छ । ती कम्पनीले व्यवसाय विस्तार गरेर ऋणको साँवाब्याजको किस्ता बुझाएका छन् । निगम भने त्यसो गर्न अक्षम देखिन्छ । यस्तोमा निगमको व्यवस्थापन सुधार गर्नु र त्यसमा निजीक्षेत्रलाई प्रवेश गराउनु आवश्यक छ । खासमा सरकारका लागि घाँडो बनेको यो कम्पनी चलाउने धृष्टता गर्नुभन्दा निजीक्षेत्रलाई बेच्नु उपयुक्त हुन्छ । अहिलेको अवस्थामा सरकारले वायुसेवा कम्पनी चलाइरहनुपर्छ भन्ने छैन । भारत सरकारले पनि सरकारी वायुसेवा कम्पनी निजीक्षेत्रलाई बेच्यो । टाटा समूहले किनेपछि व्यवसाय विस्तारका लागि ५ सय जहाज खरीद गर्ने प्रक्रिया अगाडि बढायो । नेपालले त्यति ठूलो परिमाणमा विमान खरीद गरेर व्यवसाय गर्न सक्दैन । निजीक्षेत्रले पनि निगम खरीद गरेर सञ्चालन गर्न सक्ने सम्भावना कमै देखिएको छ । तैपनि सरकारले निजीक्षेत्रलाई निगम विक्री गर्ने साहस गर्नुपर्छ । निगमको सुधारका लागि हालसम्म सरकारले नौओटा अध्ययन समिति गठन गरेको छ र तीमध्ये प्राय: सबैले यसमा निजीक्षेत्रलाई प्रवेश गराउनुपर्ने वा विदेशी रणनीतिक साझेदार ल्याउनुपर्ने सुझाव दिएका छन् । ती सुझाव कार्यान्वयन गर्न कुनै पनि सरकारले आँट गरेका छैनन् । सुधारको पहल नगरी विमान थप्न वा अन्य कामका लागि ऋण लिनु उपयुक्त होइन । पहिला निगमको व्यवस्थापन सही हुनुपर्छ । यसो भएमा मात्रै ऋण दिनेले पनि पत्याउँछन् ।

Aarthik Abhiyan पौष २०८०

हिमालयन डिस्टिलरीले बढायो नाफा

काठमाडौं । महँगी, तरलता अभाव र ब्याजदर वृद्धिका कारण आर्थिक गतिविधिमा सुस्तता आएपनि मदिरा उत्पादक कम्पनी हिमालयन डिस्टिलरीले बिक्री आम्दानीसँगै नाफा बढाएको छ । चालु आर्थिक वर्ष २०७९/८० को प्रथम त्रैमासमा कम्पनीले २१ करोड ५७ लाख ६१ हजार रुपैयाँ मुनाफा आर्जन गरेको छ । कम्पनीले ३ महिनामा मदिरा बिक्रीबाट १ अर्ब ३८ करोड २४ लाख […]

अनलाइनखबर आश्विन २०७९

‘प्रोभिजन राइटब्याक’ले बढायो इन्भेष्टमेन्ट बैंकको नाफा

११ साउन, काठमाडौं । गत आर्थिक वर्ष २०७८/७९ मा नेपाल इन्भेष्टमेन्ट बैंकले ४ अर्ब भन्दा माथि मुनाफा आर्जन गरेको छ । खुद ब्याज आम्दनीमा सामान्य वृद्धि र सम्भावित कर्जा जोखिम वापतको प्रोभिजन राइट ब्याक गर्दा बैंकको नाफा बढेको छ । बैंकले प्रकाशित गरेको गत आर्थिक वर्षको अपरिस्कृत वित्तीय विवरण अनुसार चार अर्ब ८ करोड ६४ […]

अनलाइनखबर आषाढ २०७९

विश्वभर महँगी : बहुराष्ट्रिय कम्पनी नेस्लेले ५ % ले बढायो आफ्नो सामानको भाउ

वैशाख १०, काठमाडौं । विश्वको सबैभन्दा ठूलो खाद्य तथा पेय सामग्री निर्माता कम्पनी नेस्लेले आफ्नो सामानको भाउ बढाएको छ । कम्पनीले यो वर्षको पहिलो तीन महीनामा मूल्य ५ प्रतिशतभन्दा धेरैले बढाएको हो । विश्वभर कच्चा, तेल, गहुँलगायत कमोडिटिजको भाउ बढेपछि कम्पनीले मूल्य बढाएको थियो । मूल्य वृद्धिको मार उत्तर अमेरिकाको उपभोक्तामा सबैभन्दा धेरै परेको छ । कम्पनीले त्यहाँ भाउ साढे ८ प्रतिशत बढाएको छ । ल्याटिन अमेरिकामा पनि नेस्लेका प्रडक्टको भाउ ७ दशमलव ७ प्रतिशतले बढेको छ । आगामी दिनमा मूल्य थप बढाउने संकेत नेस्लेका सीईओ मार्क शिनेइडरले बताएका छन् । प्रडक्टको लागत निरन्तर तीव्र स्तरमा बढिरहेकोले वर्षको आगामी दिनमा भाउ थप बढाउनु पर्ने आवश्यकता हुने पनि उनले बताए । पछिल्लो समय विश्वभर महँगी बढेको छ । अमेरिकामा मार्चमा उपभोक्ता मूल्य साढे ८ प्रतिशतमा उक्लिएको थियो । यो ४० वर्षयताकै उच्च हो । यूरोपमा पनि महँगी साढे ७ प्रतिशत छ । यो पनि यूरोपेली संघले २५ वर्ष अघि मुद्रास्फीतिसम्बन्धी तथ्यांक संकलन गर्न थालेयताकै उच्च हो । जर्मनीमा गत वर्षको सोही अवधिको तुलनामा मार्चमा महँगी ३० प्रतिशतभन्दा धेरैले बढेको छ । महँगीमा भएको वृद्धिका कारण जर्मनीमा महँगी ७३ वर्षअघि त्यहाँको सरकारी तथ्यांक कार्यालयले यससम्बन्धी तथ्यांक संकलन गर्न थालेयताकै उच्च हो । सो अवधिमा जर्मनीमा इन्धनको भाउ गत वर्षको सोही अवधिको तुलनामा झन्डै ८४ प्रतिशतले बढेको थियो । पछिल्लो समय विश्वभर महँगी बढाउने मुख्य कारक इन्धनको भाउ भएपनि खाद्यान्नको भाउ पनि आकाशिरहेका छन् । उत्पादन लागत बढेपछि कम्पनीले आफ्ना उत्पादनको भाउ बढाएको थियो । योसँगै कम्पनीको विक्री पनि बढेको छ । यस वर्षको पहिलो त्रैमासमा नेस्लेको कुल विक्री ५ दशमलव ४ प्रतिशतले बढेको थियो । वर्षभरि पनि विक्री ५ प्रतिशतले बढ्ने कम्पनीको अनुमान छ । तर उच्च उत्पादन लागतका कारण कम्पनीको मुनाफा भने घटेको छ । यो वर्ष कम्पनीको सञ्चालन मुनाफा १७ देखि १७ दशमलव ५ प्रतिशत बीच रहने अनुमान गरिएको छ । कोरोना भाइरसको महामारीका कारण विश्वभर खाद्यान्नको भाउ बढेको थियो । युक्रेनमा रुसले आक्रमण गरेपछि यो झनै आकाशिएको छ । एजेन्सीहरु

Aarthik Abhiyan चैत्र २०७८

सामसङ इलेक्ट्रोनिक्सले २०२१ को तेस्रो त्रैमासमा २८ प्रतिशतले बढायो सञ्चालन मुनाफा

बीजमांडू भाद्र २०७८

बीएमडब्ल्यूले बढायो मुनाफा प्रक्षेपण

साउन १९, बर्लिन (जर्मनी) । जर्मन अटो निर्माता कम्पनी बीएमडब्ल्यूले यस वर्षको मुनाफा प्रक्षेपण बढाएको छ । दोस्रो त्रैमासको आर्थिक प्रदर्शन अपेक्षा गरेभन्दा उत्कृष्ट रहेपछि कम्पनीले मंगलवार वर्षभरिको प्रक्षेपण बढाएको हो । यद्यपि, विश्व बजारमा देखिएको चिप अभाव र कच्चा पदार्थको बढ्दो मूल्यले वर्षको उत्तरार्द्धमा कम्पनीको प्रदर्शन प्रभावित पार्न सक्ने बताइएको छ । पहिलो अर्धवार्षिक अवधिमा उपभोक्ताहरुबाट आएको सुदृढ मागका कारण प्रदर्शन लाभान्वित भएको र यसले उल्लेख्य वृद्धि हासिलमा मद्दत गरेको कम्पनीका प्रमुख कार्यकारी ओलिभर जिप्सेले एक विज्ञप्तिमा भने । यद्यपि, कच्चा पदार्थको मूल्य र चिप अभावलगायत विद्यमान जोखिमहरुले उत्तरार्द्धको अवधि कम्पनीको लागि थप अस्थीर हुन सक्ने चिन्ता पनि उनले व्यक्ति गरे । सन् २०२० को सोही अवधिमा कम्पनी घाटामा गएको भएपनि दोस्रो त्रैमासमा मुनाफा अपेक्षाकृत राम्रो रहेको छ । कम्पनीले अटोमोटिभ सेग्मेन्टका लागि पूर्ण वार्षिक सञ्चालन मार्जिन ७ देखि ९ प्रतिशतबीच राखेको छ । यस अघिको प्रक्षेपणमा यो दर ६ प्रतिशतदेखि ८ प्रतिशत रहेको थियो । दोस्रो त्रैमासमा बीएमडल्यूको खुद मुनाफा ४ अर्ब ८० करोड यूरो रहेको छ । गत वर्षको दोस्रो त्रैमासमा भने कम्पनीलाई २१ करोड २० लाख डलर घाटा भएको थियो । दोस्रो त्रैमासमा कम्पनीको खुद मुनाफा २ अर्ब २० करोड डलर रहने अनुमान गरिएको थियो । एजेन्सी

Aarthik Abhiyan आषाढ २०७८

फाइजरले बढायो खोपको विक्री प्रक्षेपण

साउन १३, वाशिङटन डीसी (अमेरिका) । अमेरिकी फर्मा कम्पनी फाइजर इंकले कोरोना भाइरस विरोधी खोपको विक्री प्रक्षेपण बढाएको छ । यस वर्ष ३३ अर्ब ५० करोड डलर मूल्य बराबरको खोप विक्री हुने अनुमान कम्पनीको छ । यो यसअघि गरिएको प्रक्षेपणको तुलनामा २८ दशमलव ८ प्रतिशत धेरै हुनेछ । कम्पनीले जर्मन साझेदार बायोएनटेकसँग मिलेर सो खोप बनाएको हो । विश्वभरि खोप कार्यक्रमले तीव्रता पाइरहेको समयमा खोपको पर्याप्त मात्रा सूनिश्चित गर्ने प्रयासमा देशहरु लागिरहेकै बेलामा फाइजर विक्री प्रक्षेपण बढाएको हो । कम्पनीले यस वर्ष २ अर्ब १० करोड मात्रा खोपको लागि सम्झौता गरेको छ । सोही सम्झौताका आधारमा कम्पनीले विक्री प्रक्षेपण बढाएको हो । थप करार भए भने कम्पनीको विक्री प्रक्षेपण थप बढ्नेछ । फाइजर र बायोएनटेकले यस वर्ष खोपको ३ अर्ब मात्रा उत्पादन गर्ने अपेक्षा गरिएको छ । गत हप्ता जोन्सन एण्ड जोन्सनले साढे २ अर्ब डलर र मोडेर्नाले १९ अर्ब २० करोड डलर मूल्य बराबरको खोप विक्री गर्ने प्रक्षेपण सार्वजनिक गरेका थिए । फाइजरको खोप दुई मात्रा लगाउनु पर्छ । भविष्यमा कम्पनीको खोपको बूष्टर डोज पनि लगाउनु पर्ने हुन सक्ने फाइजरले बताएको छ । यसो भएमा सन् २०२२ मा कम्पनीको विक्री थप बढ्नेछ । खोपका लागि खर्च र मुनाफा दुवै फाइजर र बायोएनटेकले आधा आधा बाँडेर लिनेछन् । एजेन्सी

Aarthik Abhiyan आषाढ २०७८

सञ्चयकोषले अगाडि बढायो ६८८ मेगावाटको बेतन कर्णाली

कर्मचारी सञ्चय कोषले ‘सञ्चयकर्ताको मुनाफा रकमलाई बेतन कर्णाली सञ्चयकर्ता हाइड्रोपावर कम्पनी लिमिटेडको शेयरमा लगानी गर्नेसम्बन्धी विनियमावली, २०७४’ लागू गरेको छ । कोषले सञ्चयकर्ताको लगानीमा नै ६८८ मेगावाट क्षमताको बेतन कर्णाली जलविद्युत् आयोजना निर्माण गर्ने प्रयोजनका लागि सो नियमावली लागू गरेको हो । उक्त नियमावली कोष सञ्चालक समितिको बैठकले केही दिन पहिले मात्रै पारित गरेको हो…

Setopati आषाढ २०७४

बिट्क्वाइनको विक्रीले बढायो टेस्लाको मुनाफा

सम्बन्धित सामग्री