काठमाडौं । गल्फ लुब्रिकेन्टको उत्पादक एवं वितरक नेपाल ल्युब आयल लिमिटेडले ‘रिबिल्ड पर्सेभर एण्ड थ्राइभ’ नाराका साथ डिलर मिट सम्पन्न गरेको छ । धुलिखेलमा दुई दिनसम्म चलेको उक्त कार्यक्रममा ५० भन्दा बढी डिलर र कम्पनीका प्रतिनिधिको सहभागिता थियो ।
देश आर्थिक मन्दीमा गुज्रिरहेको समयमा डिलरले सामना गरिरहेको समस्याको विषयमा कार्यक्रममा समीक्षा गरिएको बताइएको छ । आगामी दिनमा कसरी व्यवसायलाई मजबूत बनाई अगाडि बढ्ने भन्ने विषयमा रोड म्यापसमेत तयार गरिएको कम्पनीले जानकारी दिएको छ ।
कार्यक्रममा लुब्रिकेन्ट र ब्याट्री डिभिजनका विभिन्न विधामा सर्वोत्कृष्ट डिलरलाई सम्मान गरिएको थियो । कार्यक्रममा कम्पनीका कार्यकारी निर्देशक करण चौधरीले आन्तरिक भन्दा पनि बाह्य असरले गतवर्ष उद्योगले विभिन्न समस्या सामना गर्नुपरेको बताए । परिस्थिति अझै पनि असहज रहेकोले समय सान्दर्भिक रणनीति तय गरी व्यवसायलाई मजबूत बनाउनुपर्ने उनको भनाइ थियो ।
