मोरङ– विराटनगरको मेयर र उपमेयरमा राप्रपाका उम्मेदवारले मनोनयन दर्ता गराएका छन्। विराटनगरस्थित मुख्य निर्वाचन अधिकृतको कार्यालय पुगेर मेयरका उम्मदेवार प्रह्लाद साह र उपमेयरमा बबिता आचार्य लुइँटेलले मनोनयन दर्ता गराएका हुन्। पार्टी महामन्त्री रहेका साह यसअघि विराटनगरको मेयर भइसकेका छन्। उपमेयर आचार्य जिल्ला अध्यक्ष माधव आचार्यको श्रीमती हुन्। राप्रपाले विराटनगरमा एक्लै प्रतिस्पर्धा गर्दैछ।
