वैशाख १५, काठमाडौं । मेरो माइक्रोफाइनान्स लघुवित्त वित्तीय संस्था लिमिटेडले चालू आर्थिक वर्षको तेस्रो त्रैमाससम्म रू. ३४ करोड १५ लाखभन्दा बढी खुद नाफा गरेको छ ।
यस वर्ष कम्पनीको खुद नाफा गत वर्षभन्दा १५ दशमलव २० प्रतिशत बढी भएको हो । गत वर्ष यस अवधिसम्म कम्पनीले रू. २९ करोड ६५ लाखभन्दा बढी खुद नाफा गरेको थियो ।
कम्पनीको सञ्चालन नाफा भने यस वर्ष करिब १६ प्रतिशत वृद्धि भएको छ । सम्भावित जोखिम शीर्षकमा गत वर्षभन्दा ५७ दशमलव ९४ प्रतिशत कम रकम छुट्याएकाले कम्पनीको सञ्चालन नाफा बढ्न गई खुद नाफामा पनि सकारात्मक प्रभाव परेको हो ।
२० प्रतिशत बोनस शेयर मार्फत चुक्तापूँजी बढाएर रू. १ अर्ब २० करोड पुर्याएको कम्पनीको जगेडा कोष रकम पनि ५० दशमलव ९७ प्रतिशत बढेर रू. ७२ करोड ४९ लाखभन्दा बढी कायम भएको छ । कम्पनीले यस वर्ष १० प्रतिशत बढी रू. १० अर्ब ९९ करोड ७६ लाख कर्जा सापटी लिएको छ ।
गत वर्षभन्दा ३२ दशमलव ३२ प्रतिशत बढी रू. ३ अर्ब १७ करोड ४३ लाख निक्षेप संकलन गरेको कम्पनीले २५ प्रतिशत बढी रू. १६ अर्ब २४ करोड २३ लाख कर्जा प्रवाह गरेको छ ।
गत वर्ष १ दशमलव ७० प्रतिशत रहेको निष्क्रिय कर्जा यस वष बढेर ३ दशमलव ८८ प्रतिशत कायम भएको छ । कम्पनीको वार्षिक प्रतिशेयर आम्दानी रू. ३७ दशमलव ९५ र प्रतिशेयर नेटवर्थ रू. १६० दशमलव ४१ रहेको छ । तेस्रो त्रैमाससम्म कम्पनीको तरलता अनुपात १ दशमलव २२ रहेको छ ।
