जलेश्वर – महोत्तरी क्षेत्र नम्बर ३ मा लोकतान्त्रिक समाजवादी पार्टीका केन्द्रीय अध्यक्ष महन्थ ठाकुर विजयी हुनुभएको छ ।
गठबन्धनको तर्फबाट महोत्तरी क्षेत्र नम्बर ३ बाट प्रतिनिधिसभाका उम्मेदवार ठाकुरले १६ हजार ३७५ मतसहित विजयी हुनुभएको हो ।
उहाँका निकटतम प्रतिद्वन्द्वी जनता समाजवादी पार्टीका उम्मेदवार हरिनारायण यादवले १४ हजार ३२५ मत ल्याउनुभएको निर्वाचन अधिकृतको कार्यालयले जनाएको छ । उहाँहरुबीचमा २ हजार ५० मतान्तर रहेको छ।
स्वतन्त्रतर्फका उम्मेदवार रामआधार कापरले १२ हजार ७३३ मत ल्याउनुभयो ।
