काठमाडौं । आशा लघुवित्त वित्तीय संस्था लिमिटेड र साल्ट ट्रेडिङ कर्पोरेशन लिमिटेडको लाभांश सुरक्षित गर्ने अन्तिम दिन भोलि बिहीवार रहेको छ ।
दुवै कम्पनीले साधारण सभा प्रयोजनको लागि फागुन २६ गते बुक क्लोज गरेकाले फागुन २५ गते बिहीवारसम्म कायम शेयरधनीमात्र साधारण सभामा भाग लिन र लाभांश पाउन योग्य हुनेछन् ।
गत आर्थिक वर्षको मुनाफाबाट शेयरधनीलाई १० प्रतिशत बोनस शेयर र ५ प्रतिशत नगद लाभांश (करसहित) वितरण गर्ने प्रस्ताव गरेको साल्ट ट्रेडिङ कर्पोरेशनले चैत १० गते साधारण सभा बोलाएको छ । सभा त्रिभुवन आर्मी अफिसर्स क्लब भद्रकाली काठमाडौंमा दिनको १२ः१५ बजे शुरू गर्ने जानकारी दिइएको छ ।
त्यस्तै गत आवको मुनाफाबाट शेयरधनीलाई १४ दशमलव २८ प्रतिशत बोनस शेयर कर प्रयोजनको लागि शून्य दशमलव ७१ प्रतिशत नगद लाभांश वितरण गर्ने प्रस्ताव गरेको आशा लघुवित्तले चैत ११ गते साधारण सभा बोलाएको छ । सभा कम्पनीको केन्द्रीय कार्यालय ककनी–६ नुवाकोटमा बिहान १० बजे शुरू हुने कम्पनीले जानकारी दिएको हो ।
