खोटाङ दिक्तेलकी तीलमाया आचार्य एक वर्षदेखि ब्लड क्यान्सरले पीडित हुनुहुन्छ । उहाँलाई १५ पटक किमो दिइएको छ । अहिले पनि उहाँ भरतपुर क्यान्सर अस्पतालमा उपचार गरिरहनुभएको छ । अहिलेसम्म १५ लाख रुपैयाँ खर्च भइसकेको छ ।
तीन छोरामध्ये उहाँका दुई छोरा वैदेशिक रोजगारीमा हुनुहुन्छ । घरमा आमा बिरामी भएपछि छोराहरु कसरी खुसी हुन सक्छन् र ?
छोराहरु केही कमाउने सपना बोकेर परदेश गएका छन् । यता आफ्नो उपचारमा यत्रो पैसा सकिँदा ६० वर्षीया तीलमायालाई पनि क्यान्सरले भन्दा बढी पीडा हुन्छ ।
उहाँलाई अब खर्च कह...
