नेकपा एमालेका वरिष्ठ नेता माधवकुमार नेपाल उपाध्यक्ष भीम रावललाई भेटेर फर्किएका छन् ।
पार्टीभित्र देखिएको विवाद समाधान कार्यदलका सदस्य समेत रहेका उपाध्यक्ष रावलले असन्तुष्ट बन्दै प्रतिनिधिसभा सदस्य पदबाट राजीनामा दिएका थिए ।
राजीनामा दिएपछि पार्टीका कुनै पनि छलफलमा सहभागी नभएका रावललाई भेट्न नेता नेपाल उनकै निजी निवास पुगेका थिए ।
पार्टीमा भएको १० बुँदे सहमति विपरीत प्रधानमन्त्री शेरबहादुर देउवाले राखेको विश्वासको मत लिने प्रस्तावमा पार्टी विभाजित भएपछि रावल असन्तुष्ट बनेका थिए ।
