असार ३, काठमाडौं । नेशनल माइक्रोफाइनान्स लघुवित्त वित्तीय संस्थाको संस्थापक शेयर बिहीवारदेखि लिलामीमा विक्री खुला भएको छ ।
कम्पनीले ७८ हजार १५० कित्ता संस्थापक शेयर लिलामीमा ल्याएको हो । उक्त लिलामीमा शेयरमा आवेदकले असार १० गतेसम्म बोलपत्र पेश गर्न सक्ने छन् । शेयर खरीदका लागि विद्यमान संस्थापकहरु वा जो कोही व्यक्ति ,कम्पनी,संघसंस्थाहरुले आवेदन दिन सक्नेछन् ।
शेयरको न्यूनतम मूल्य प्रतिकित्ता रू. १ हजार २२ तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्न सकिने छ । शेयर खरीदको लागि बोलपत्र पेश गर्दा न्यूनतम १०० कित्ताको लागि बोलपत्र पेश गर्नुपर्नेछ भने अधिकतम शेयर संख्याको लागि कुनै पनि हद नलाग्ने कम्पनीले बताएको छ ।
सबैभन्दा पहिला विद्यमान संस्थापकहरुलाई नै पहिलो प्राथमिकता दिई बढी बोलकबोल गर्ने आवेदकलाई शेयर विक्री गर्ने कम्पनीले बताएको छ ।
कम्पनीले असार ११ गते बिहान ११ बजे एनआइबिएल एस क्यापिटल लिमिटेड लाजिम्पाटमा बोलपत्र खोल्ने छ । विक्री प्रबन्धकमा एनआइबिएल एस क्यापिटल लिमिटेड रहेको छ ।
