.jpg)
फागुन ३, काठमाडौं। विभिन्न पेशा र व्यवसायमा रहेका ८ जना यूववहरूको ‘ड्रिम प्रोजेक्ट’ भेषभूषाको शुभारम्भ भएको छ ।
सोमवार अभिनेता राजेश हमाल, बैंकर रबिना देशराज र आर्थिक पत्रकार समाज (सेजन) अध्यक्ष जनार्दन बरालले भेषभूषा ई - कमर्स प्लयाटफर्मको शुभारम्भ गरेका छन् ।
५ करोड लगानीमा शुरु गरिएको उक्त ड्रिम प्रोजेक्टले अहिले स्वदेशी तथा विदेशी ब्रान्डका तीन दर्जन सामानहरू विक्री गर्नेछ । भविष्यमा सयौ ब्रान्डका सामानहरू विक्री वितरण गर्नुका साथै आफ्नै ब्राण्डमा सामान उत्पादन गर्ने पनि कम्पनीको लक्ष्य छ ।
उपभोक्तालाई सौन्दर्यसँग सम्बन्धीत प्रशाधन, हरेक उमेर र वर्गका उपभोक्ताहरुको रोजाईका पहिरन, जीवन शैलीसँग सम्बन्धीत सयौं थरी समानहरु एकै ठाउँमा सहजै र सर्वसुलभ मूल्यमा पुर्याउने उदेश्यसहित यो ड्रिम प्रोजेक्ट शुरु गरिएको कम्पनीकी प्रमुख कार्यकारी अधिकृत (सीईओ) तृष्णा आचार्यले बताइन् ।
कम्पनीले गुणस्तरीय सौन्दर्य, फेसन र जीवन शैलीसँग सम्बन्धीत सामानहरू नेपाल भरी विस्तार गर्नुका साथै विदेशी ब्रान्डलाई नेपाली युवापुस्तामा ल्याउने माध्यमको रुपमा प्रस्तुत हुने उनले बताइन् ।
स्वदेशी ब्रान्डलाई अन्तरराष्ट्रिय बजारमा पुर्याउनका लागि पनि भेसभूसा शुरु गरिएको कम्पनीका अध्यक्ष दीपक पाण्डेले बताए ।
‘अहिले ५ करोड रुपैयाँ लगानीबाट शुरु गरेका छौ । भविष्यमा यसको लगानी ५० करोड रुपैयाँ पुग्ने अनुमान गरेका छौ’, पाण्डेले भने । अभिनेता राजेश हमालले यूवाहरुको समूह मिलेर शुरुवात गरेको भेषभूषा सफल हुनेमा विश्वस्त रहेको बताए ।
मानिसहरु फेसनदेखि भागेपनि फेसनले मानिसहरुलाई पच्छ्याउन छोड्दैन । त्यसैले सौन्दर्य, फेसन र जीवनशैलीको मूल नारा लिएको भेषभूषाले सफल हुनेमा विश्वस्त रहेको हमालको भनाइ छ ।
त्यस्तै बैंकर रबिना देशराजले अवदेखि आफूलाई कस्तो ड्रेसअप चाहिने हो भनेर तनाव लिनु नपर्ने बताइन् । कुनै पनि पार्टीमा जानुपर्योो भने भेसभुसाले आवश्यक ड्रेसअपको जिम्मा लिने उनको भनाइ छ ।
कुनै पनि सेवाग्राहीले आफ्नो उचाईं मोटाई लगायतका कुरा भेषभूषालाई बताएपछि उनीहरुलाई सुहाउने पोशाकहरु भेसभुसाले छान्ने उनको भनाइ छ । सेजन अध्यक्ष जनार्दन बरालले अमेजन अलिबाबा र फ्लिपकार्टले छोटो समयमै लोभलाग्दो प्रगति गरेकाले भेसभूसा पनि त्यो स्थानमा पुग्न सक्ने बताए ।
यो कम्पनीले दर्जनौं घरेलु र अन्तरराष्ट्रिय ब्रान्डहरुलाई अनलाइन र अफलाइन मार्फत सेवाग्राही माझ पुर्याउने बताइएको छ । कम्पनीले एडीडास, लेवीज, रेबुक जस्ता विश्व प्रशिद्ध २० ओटा अन्तरराष्ट्रिय ब्रान्डका सामानहरू नेपाली उपभोक्ता माझ ल्याउने बताएको छ ।
त्यस्तै कम्पनीले गोल्ड स्टार, राइनो लेदरलगायतका दर्जन बढी नेपाली ब्रान्डका सामानहरु पनि विक्री वितरण गर्ने छ । कम्पनीको सञ्चालकहरुमा दीपक पाण्डे, तृष्णा आचार्य, सीए अनिल बन्जारा, सीए रविन्द्र घिमिरे, सुवास पाण्डे, विष्णु अधिकारी, दीपेन्द्र पौडेल र पुरन जोशी रहेका छन् ।
