काठमाडौं । एनएलजी इन्स्योरेन्स कम्पनीको १७औं वार्षिक साधारणसभा सोमवार काठमाडौंमा सम्पन्न भएको छ । सभाले कम्पनीको अधिकृत पूँजी रू. १ दशमलव ५० अर्बबाट वृद्धि गरी रू. ३ अर्ब पुर्याउने प्रस्ताव पारित गरेको छ । सभाले चुक्तापूँजी रू. १ अर्ब ३२ करोड ६६ लाख १४ हजारको १० प्रतिशतले हुने रू. १३ करोड २६ लाख ६१ हजार बराबर बोनस शेयर वितरणको प्रस्ताव समेत पारित गरेको छ । उक्त बोनस शेयरमा लाग्ने कर समायोजका लागि नगद लाभांश शून्य दशमलव ५२६३ प्रतिशतले हुने रू. ६९ लाख ८२ हजार रुपैयाँ वितरण गर्ने प्रस्ताव पारित गरेको छ । स्वतन्त्र सञ्चालक पदमा कविराज अधिकारीलाई चार वर्षका लागि गरिएको नियुक्तिलाई सभाले अनुमोदन गरेको छ ।
_102335.jpeg)
.jpg)
