साउन अन्तिम साता प्रशासनसहितको संयुक्त अनुगमन टोलीले महेन्द्रनगर बजार क्षेत्रमा अनुगमन गर्यो । त्यस क्रममा सब्जीमन्डी क्षेत्रमा रहेका मासु पसल, किराना पसललगायत सबैजसोमा कैफियत देखियो । मासु पसल वरपर फोहोर र झिँगाका कारण मासु खानै नमिल्ने अवस्था थियो । किराना पसलमा पनि म्याद नाघेका खाद्यवस्तुसँगै मूल्यसूची पनि टाँसिएको थिएन । अनुगमन टोलीले मासु पसलेलाई सरसफाइमा ध्यान दिन एक साताको समयसीमा तोकेको थियो । तर, त्यसपछि न अनुगमन टोली नै बजारमा गयो, न उक्त क्षेत्रको अवस्था नै फेरिएको छ ।
