एजेन्सी। भारतका छ वटा शहरमा पेट्रोलको मूल्य एक सय रुपैयाँ भारुभन्दा माथि पुगेको छ। अन्तर्राष्ट्रिय बजारमा पेट्रोलको मूल्यमा निरन्तर उकालो लाग्दा भारतमा पनि मूल्य आकासिएको हो। दिल्ली, मुम्बई, चेन्नई, कोलकाता, बेंगलुरु र भोपालमा पेट्रोलको मूल्य एकसय भारुभन्दा माथि पुगेको हो। यससँगै नेपालमा पनि पेट्रोलको मूल्य थप बढ्ने सम्भावना देखिएको छ। हाल प्रतिलिटर १२८रुपैयाँ कायम रहेको पेट्रोलको भाउ बढ्ने देखिएको छ।
