मानव बेचबिखन तथा ओसारपसार मुद्दाका एकजना फरार आरोपीलाई प्रहरीले इन्टरपोलको सहयोगमा पक्राउ गरेको छ । लमजुङको दोर्दी गाउँपालिका–१ घर भएका ३८ वर्षीय नारायण प्रसाद अधिकारीलाई पक्राउ गरिएको प्रहरी प्रवक्ता (डीआईजी) टेक प्रसाद राईले रातोपाटीलाई बताए ।ईन्टरपोलबाट रेड नोटिस जारी भएका आरोपी ईन्टरपोल मकाउको समन्वयमा मकाउबाट पक्राउ परेका हुन् । आरोपीलाई नेपाल प्रहरीले त्रिभुवन अन्तर्राष्ट्रिय विमानस्थलमा रिसिभ गरेको छ । उनले मासिक १ लाख ५० हजार रुपैयाँ तलब हुन्छ भनेर क्यानेडियन कम्पनीमा जागिर म