माघ ६, काठमाडौं । नबिल बैंकको सञ्चालक समितिका अध्यक्ष उपेन्द्र पौडेलले पद तथा गोपनियताको सपथ लिएका छन् ।
गत पुस ३० गते बसेको कम्पनीको सञ्चालक समितिको बैठकबाट सर्वसम्मत रुपमा अध्यक्षमा उनी पुनः चयन भएका थिए । बुधवार उनलाई नेपाल राष्ट्र बैंकका गर्भनर महाप्रसाद अधिकारीले उनलाई पद तथा गोपनियताको शपथ ग्रहण गराएका हुन्।
उक्त अवसरमा नेपाल राष्ट्र बैंकका डेपुटी गर्भनरद्वय नीलम ढुङ्गाना तिम्सिना, बम बहादुर मिश्र, बैंक तथा वित्तीय संस्था नियमन विभागका कार्यकारी निर्देशक देवकुमार ढकाल, बैंक सुपरिवेक्षण विभागका कार्यकारी निर्देशक डा गुणाकर भट्ट तथा नबिल बैंकका प्रमुख कार्यकारी अधिकृत अनिल केशरी शाहलगायत नेपाल राष्ट्र बैंकका उच्च पदस्थ अधिकारीहरुको उपस्थिती रहेको थियो ।
नबिल बैंकका अध्यक्ष पौडेललाई वार्षिक साधारण सभाले संस्थापक शेयरधनी एनबी (ईन्टरनेशनल) लिमिटेडको प्रतिनिधिको रुपमा निर्बिरोध निर्वाचित गरेको हो ।