इस्लामाबाद। पाकिस्तानको पञ्जाब प्रान्तस्थित एक नहरमा शुक्रबार बेलुकी यात्रुवाहक भ्यान खस्दा एकै परिवारका ११ जनाको मृत्यु भएको छ। देशको पूर्वीप्रान्तको शिखुपुरा जिल्लामा भएको घटनामा मृतकमध्ये सात बालबालिका, तीन महिला र एक पुरुष रहेको प्रहरीले बताएको छ। घटनालगत्तै प्रहरीले नहरमा डुबेका व्यक्तिहरूलाई बाहिर निकालेको थियो। प्रहरीका अनुसार पञ्जाबको गुजरनवाला जिल्लामा नातेदारसँग भेटघाट गरेर उनीहरू आफ्नो गाउँ खानखा डोगरान फर्किंदै थिए। (रासस/एएनआई)