सप्तरीको महादेवा गाउँपालिका–४ डाढाका २८ वर्षीय मोहम्मद आजादलाई वैदेशिक रोजगारमा हुँदा मृगौलामा समस्या देखिएका उपचार गराउन समस्या परेको छ । दुई वर्षअघि कतार हुँदा उहाँको मृगौलामा समस्या देखिएको थियो । कमाएको सबै पैसा उपचारमै सकिएपछि उहाँले साथीहरुसँग सापटी लिएर घर आउनुभएको हो । तर, घरको अवस्था पनि कमजोर रहेका कारण उहाँलाई उपचार गराउन समस्या परेको आजादकी पत्नी रुसतम खातुनले दुःखेसो गर्नुभयो ।