कात्तिक ९, काठमाडौं । एनआईसी एशिया बैंकको मंगलवार सर्वाधिक रकमको शेयर कारोबार भइरहेको छ ।
कारोबारको एक घण्टाको अवधिसम्म बैंकको रू. ८ करोड ३० लाख ११ हजार बराबरको शेयर कारोबार भएको हो ।कम्पनीले सोमवार गत आर्थिक वर्षको मुनाफाबाट कुल १५ दशमलव ७९ प्रतिशत लाभांश प्रस्ताव गरेको थियो ।
कम्पनीको कात्तिक ८ गतेको सञ्चालक समितिको बैठकले हाल कायम चुक्तापूँजीको आधारमा १५ प्रतिशत बोनस शेयर र कर प्रयोजनका लागि शून्य दशमलव ७९ प्रतिशत नगद लाभांश वितरणको प्रस्ताव गरेको हो ।
कम्पनीले विगत दुई आर्थिक वर्षको भन्दा यस वर्ष कम लाभांश प्रस्ताव गरेको हो । गत वर्ष २० प्रतिशत र अघिल्लो वर्ष २१ दशमलव शून्य ५ प्रतिशत लाभांश वितरण गरेको उक्त कम्पनीको यो वर्ष भने लाभांश घटेको हो ।
कम लाभांश प्रस्तावका कारण मंगलवार कम्पनीको शेयरमूल्यमा प्रभाव परेको छ ।
सर्वाधिक रकमको कारोबार भइरहेको कम्पनीको शेयरमूल्य भने प्रतिकित्ता रू. ६ दशमलव ५० ले घटेको छ । कारोबारको एक घण्टाको अवधिसम्म बैंकको अन्तिम मूल्य रू. ८२९ दशमलव ५० कायम भएको छ ।