चितवन । चितवन उद्योग संघ माडी समिति अध्यक्षमा रमेश नेपाली चयन भएका छन् । संघको शनिवार भएको पाँचौं वार्षिक साधारणसभा तथा तेस्रो अधिवेशनले २०८०/०८१ को लागि नेपालीको नेतृत्वमा नयाँ कार्यसमिति चयन गरेको हो ।
संघको उपाध्यक्षहरूमा नारायणदत्त रिजाल र गोविन्दप्रसाद नेपाल, सचिवमा जिताराम महतो र कोषाध्यक्षमा सुमनराज खनाल चयन भएका छन् । यसैगरी संघको सदस्यहरूमा चिरञ्जीवी बराल, कौशल्या देवी शाह, मोहनराज पोख्रेल, अर्जुन श्रेष्ठ, भारती न्यौपाने भुसाल र दामोदर देवकोटा छन् ।
महिला उद्यमी मञ्च माडी अध्यक्षमा भारती न्यौपाने भुषाल र युवा उद्यमी मञ्चमा दामोदर देवकोटा चयन भएका हुन् । नव निर्वाचित पदाधिकारीहरूलाई चितवन उद्योग संघका अध्यक्ष त्रिलोचन कँडेलले सपथ गराएका थिए । कार्यक्रममा माडी नगरपालिकाकी मेयर ताराकुमारी काजी महतोको उपस्थिति थियो ।
