कर्णाली। नेकपा(एमाले) कर्णाली प्रदेश संसदीय दलको बैठकले नेकपा (माओवादी केन्द्र) नेतृत्वको सरकारका सहभागी तीन मन्त्रीलाई तत्काल पदबाट राजीनामा दिन निर्देशन दिएको छ। आज बसेको दलको बैठकले पार्टी ह्विप विपरीत फ्लोर क्रस गरेका नेता प्रकाश ज्वालासहित मन्त्रीहरु अम्मरबहादुर थापा, कुर्मराज शाही र नन्दसिं बुढालाई राजीनामा दिन निर्देशन दिएको हो। उनीहरुले गत वैशाख ३ गते मुख्यमन्त्री महेन्द्रबहादुर शाहीलाई विश्वासको मत दिएका थिए।रासस
