काठमाडौं, ८ असोज। आन्दोलनमा रहेका शिक्षकहरूले आज सडकमा सुतेर आन्दोलन गर्ने घोषणा गरेका छन्। हजारौँको संख्यामा आन्दोलनमा रहेका राहत शिक्षक,बालविकास शिक्षक,पेन्सन वञ्चित शिक्षक लगायतले आज दिउँसो सडकमै सुतेर आन्दोलन गर्ने भएका हुन्। राज्यले आफूहरूलाई लाश जस्तै बनाएको भन्दै उनीहरूले सांकेतिक रूपमा मुर्दा बनेर विरोध जनाउन लागेका हुन्। आन्दोलनरत शिक्षकहरु दिउँसो १२बजेतिर सडकमा आधा घण्टा लम्पसार परेर पल्टिने बताएका छन्।
