चैत २२, काठमाडौं । गर्मीको समयमा मानिस घरबाट बाहिर निस्कन तथा काम गर्न असहज महसुस गरिरहेका हुन्छन् । यो समयमा गर्मीका कारण हुने छटपटीले मानिस बिरामी समेत हुने गर्छन । तर एक एयरकन्डिसनर निर्माण कम्पनीले अहिले राहात दिने विकल्प ल्याएको छ ।
विश्वमै पहिलो पटक शरिरमा झुड्याएर हिंड्न मिल्ने वेयरएवल एयर कन्डिसनर बजारमा आएको छ । द मेटाउरा कम्पनीले विश्वकै पहिलो पोर्टेबल एअरकन्डिसनिङ कुलर बनाएको बताएको छ । जसलाई मानिसले सजिलै आफ्नो शरिरमाा लगाएर अर्थात् घाँटीमा झुन्ड्याएर हिंड्न सक्छन् ।
यसको सहयोगले गर्मीबाट छुटकरा पाउनुका साथै चिसोपनको महसुस गर्न सक्ने बताइको छ । यसलाई विशेषगरी कुलिङ मोड र फ्यान मोड गरी दुई किसिमले प्रयोग गर्न सकिने पनि कम्पनीले उल्लेख गरेको छ ।
यसले फ्यान मोडमा ७ डिग्री फरेनहाइट चिसो हावा दिनेछ भने कुलिङ मोडमा १८ डिग्री फरेनहाइटसम्म चिसो दिने छ । यसलाई प्रयोग गर्न तथा हावाको गति तथा तापक्रम मेन्टेन गर्नका लागि एउटा छुट्टै एपको प्रयोग गर्नुपर्ने छ ।
वेयरएवल यो कन्डिसनर ट्विट टर्वो पीडव्लुएम मोटरको सहायताले चलाइएको छ । यसमा २६ ओटा साना साना पंखा रहेका छन् । यसको भित्र लिक्विड कुल्ड, हिट ईक्वोलाईजेसनिङ मेकानिजम पनि राखिएको छ भने तातो हावालाई चिसो बनाउन १२१ जोडी सेमिकन्डक्टर्स लगाइएको छ ।
यूएसवी कनेक्टर चार्जरबाट चार्जिङ गर्न सकिने द मेट्टाउरा प्रो वेयरएवल कुलरको ब्याट्रीको पर्फर्मेन्स पनि राम्रो रहेको बताएको छ। यसको तौल जम्मा ४३५ ग्राम रहेकोले सजिलै लगाएर हिंड्न सकिन्छ ।
तर यसबाट आउने आवाजको बारेमा भने कुनै उल्लेख गरिएको छैन । मध्यम वर्गका ग्राहकले समेत सहजै प्रयोग गर्न सक्ने गरी यसको मूल्य कायम भएको बताइएको छ ।
