माघ २९, काठमाडौं । नेपाल लाइफ इन्स्योरेन्स कम्पनीको कोटेश्वर शाखाले दावी गरेको दुई दिनमै मृत्यु दावीको रकम भुक्तानी गरेको छ ।
कम्पनीले मृतकको इच्छाएको व्यक्तिलाई मृत्यु दावीको ३ लाख १४ हजार रुपैयाँ बराबरको चेक हस्तान्तरण गरेको हो । विसं २०६९ माघ २८ गते २ लाख बीमाङ्कको बीमा गराएको बीमा लेख नं १०७०१३६४२ रहेको बीमितको मस्तिष्कमा पानीको मात्रा बढी भएको कारण गत पुस २७ गते मृत्यु भएको थियो ।
कम्पनीका कोटेश्वर शाखा प्रमुख ज्ञानेन्द्र मान तुलाधर (ज्ञानु) ले शुक्रवार एक कार्यक्रममार्फत बीमितको इच्छाएको व्यक्ति खिल नाथ फुयाललाई मृत्यु दावीको चेक हस्तान्तरण गरेका हुन् ।
कार्यक्रममा कम्पनीका बरिष्ठ सहायक अनुज कुमार झा, सहायक प्रियङ्का कार्की र बरिष्ठ एजेन्सी म्यानेजर गोविन्द भट्टराईको समेत उपस्थिति रहेको थियो ।
