नेपाल वायु सेवा निगमको न्यारोबडी जहाज ए–३२० को बाँयातर्फको इन्जिन फेर्नुपर्ने भएको छ ।गत पुस १३ गते काठमाडौँबाट कतारको दोहा पुगेको जहाज सुरक्षित अवतरणपछि पार्किङ गर्ने क्रममा एउटा इन्जिनमा प्राविधिक समस्या देखिएको थियो । कतार एअरवेजका इन्जिनियरिङ टिमले निरीक्षण गर्दा बायाँतर्फको इन्जिनमा समस्या देखिएकाले इन्जिन फेर्नुपर्ने सुझाव दिएका हुन् ।जहाजलाई चाँडो उडानमा ल्याउन निगमले इन्जिन भाडामा लिन पुस २५ गते अन्तराष्ट्रिय आह्वान पत्र निकालेको थियो । इन्जिन भाडामा लिन कम्पनी छनोट गरेर काम अघि बढिरहेको निगमले जनाएको छ ।पुरानो इन्जिन मर्मतका लागि माघ १० गते अन्तराष्ट्रिय प्रस्ताव आह्वान गरिएको निगमले जनाएको छ ।
