आयुर्वेदसँग सम्बन्धित विषयको एकीकृत पठनपाठन र आयुर्वेद शिक्षण अस्पतालसमेत सञ्चालन गर्न आयुर्वेद विश्वविद्यालय स्थापना हुने भएको छ । प्रतिनिधिसभाको शिक्षा तथा स्वास्थ्य समितिमा दफावार छलफल सुरु भएको ‘योगमाया आयुर्वेद विश्वविद्यालय विधेयक’ को मस्यौदामा आयुर्वेद चिकित्सा परिषद्ले स्वीकृत गरेको मापदण्डका आधारमा विश्वविद्यालयले आयुर्वेद शिक्षण अस्पताल, अनुसन्धान केन्द्र स्थापना र सञ्चालन गर्न सक्ने उल्लेख छ ।
