मिर्मिरे लघुवित्त वित्तीय संस्था [ चौथो त्रैमासिक वित्तीय अवस्था तथा प्राविधिक विश्लेषण ]

साउन १५, काठमाडौं । मिर्मिरे लघुवित्त वित्तीय संस्थाले गत आवको चौथो त्रैमासिक वित्तीय विवरण सार्वजनिक गरेको छ ।  कम्पनीले आकर्षक मुनाफा आर्जन गरेको वित्तीय विवरण सार्वजनिक गरेको छ ।कम्पनीको नाफा अघिल्लो आवको तुलनामा गत आवमा ५ दशमलव ८ गुणाले वृद्धि भएको हो ।  कम्पनीले अघिल्लो आवको चौथो त्रैमासमा कम्पनीले रू.३ करोड ४३ लाख ९३ हजार नाफा कमाएकोमा गत आवको सोही अवधिमा रू.२० करोड १ लाख पुगेको हो । गत आवमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको हो ।   अघिल्लो आवको तुलनामा गत आवमा कम्पनीको खुद ब्याज आम्दानी १२९ प्रतिशत र सञ्चालन नाफा ४९० प्रतिशतले वृद्धि भएको छ । साथै कम्पनीले अघिल्लो आवमा भन्दा गत आवमा सम्भावित जोखिम बापतको व्यवस्थामा कम रकम छुट्याएकाले पनि नाफा बढ्न टेवा पुगेको हो । अघिल्लो वर्ष सम्भावित जोखिम बापतको व्यवस्थामा रू. ६ करोड १२ लाख छुट्याएको उक्त कम्पनीले गत आवमा रू. १० लाख ४ हजार छुट्याएको हो । चुक्तापूँजी रू. ४३ करोड ५० लाख ७१ हजार रहेको कम्पनीले जगेडा कोषमा भने रू. ३४ करोड ५३ लाख ३९ हजार छुट्याएको छ ।   गत आवको तेस्रो त्रैमाससम्ममा रू.४ अर्ब ५९ करोड २१ लाख ३३ हजार सापटि लिएर,रू.१ अर्ब ८८ करोड ३५ लाख निक्षेप संकलन गरेर कम्पनीले रू. ६ अर्ब ७७ करोड १९ लाख २६ हजार कर्जा लगानी गरेको छ ।  त्यसैगरी कम्पनीको निष्क्रिय कर्जा अघिल्लो आवमा २ दशमलव ९४ प्रतिशत रहेको गत आवमा १ दशमलव ९९ प्रतिशत कायम भएको छ । कम्पनीको प्रतिशेयर आम्दानी  ४६ प्रतिशत,मूल्य आम्दानी अनुपात ४० दशमलव २२,मूल्य आम्दानी अनुपात ३३ प्रतिशत र प्रतिशेयर नेटवर्थ रू.१७९ दशमलव ३८ रहेको छ ।  हालसम्ममा कम्पनीले १४७ ओटा शाखा कार्यलयहरुबाट लघुवित्त सेवा प्रदान गर्दै आएको छ । कम्पनीले अघिल्लो आवको मुनाफाबाट शेयरधनीलाई गत वर्ष ९ दशमलव १९ प्रतिशत बोनस शेयर वितरण गरेको छ ।  एफपीओ निष्कासन गर्नका लागि इक्रा नेपालमा रेटिङ गराएसँगै कम्पनीको एफपीओ प्रक्रिया पनि अगाडि बढिसकेको छ । कम्पनीले निष्कासन गर्ने एफपीओलाई इक्रा नेपालले इक्राएनपी इस्यूआर बीबी रेटिङ प्रदान गरेको छ । यस्तो रेटिङले कम्पनीको आधारभुत पक्ष मध्यम रहेको देखाउँछ ।साथै कम्पनीको दायित्व बहन गर्ने क्षमता मध्यम जोखिम रहेको भन्ने पनि देखाउँछ ।  कम्पनीले ५१ हजार ३१६ कित्ता एफपीओ निष्कासन गर्ने तयारीमा रहेको हो ।  उक्त एफपीअ‍ो निष्कासन गर्नका लागि कम्पनीले विक्री प्रबन्धकमा नेपाल एसबिआई मर्चेण्टसँग सम्झौता गरिसकको छ । आवश्यक प्रक्रिया पुरा गरी  नियामक निकाय नेपाल धितोपत्र बोर्डमा निवेदन दिएर स्वीकृती पाएपछि मात्र  कम्पनीले एफपीओे निष्कासन गर्नेछ । कम्पनीले नागबेली लघुवित्त वित्तीय संस्था र स्वेडा लघुवित्त वित्तीय संस्थालाई प्राप्ति गरिसकेको छ । नागवेली लघुवित्त सूचीकृत कम्पनी हो भने स्वेडा लघुवित्त सूचीकृत कम्पनी होइन । सूचीकृत कम्पनीले सूचीकृत नभएको कम्पनीलाई प्राप्ति गरेपश्चात शेयर संरचना मिलाउनको लागि एफपीओ निष्कासन गर्नुपर्ने कानूनी व्यवस्था रहेको छ । प्राविधिक विश्लेषण  मैनबत्ती चित्र   स्ट्यान्डर्ड डेभिएशन :   आरएसआई     मुभिङ एभरेज : २ मे २०२१                                                                                                   २९ जुलाई २०२१ निष्कर्ष : कम्पनीको ६३ दिनको कारोबार अवधिको अन्तिम दिनमा लामो टुप्पी भएको कालो शरीरको मैनबत्ति बनेको छ । इन्भर्टेड ह्याम्मर जस्तो देखिने यो आकृतिले बजारमा कम्पनीको शेयरमूल्य बुलिशमा रिभर्सल रहनेसंकेत गर्छ । आरएसआई न्युट्रल जोन ६६ दशमलव ८२ विन्दुमा छ । यसले शेयर खरीदविक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएशन १६ दशमलव  ६३ विन्दुमा छ । उतारचढाव न्यून रहेको देखाउँछ । यस्तो अवस्थामा जोखिम कम हुन्छ भने प्रतिफल पनि कम हुने गर्दछ । त्यस्तै कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकआपसमा टाढिएका छन् । हालको मूल्यरेखा यी दुबै मूल्यरेखाभन्दा माथि छ । बिहीवारको शेयरमूल्य रू. १ हजार ९६०देखि बजारको अवस्था परिवर्तन भई मूल्य सस्तिएमा रू. १ हजार ९२५मा टेवा पाउनेर महँगिएमा रू. २ हजारमा प्रतिरोध पाउने देखिन्छ ।