नेपाल बंगलादेश बैकको प्रमुख संस्थापक शेयरधनी आई.एफ.आई.सि.बैक विरुद्द सनराइज बैंकका अध्यक्ष मोतीलाल दुगडले मुद्दा दायर गरेका छन् । अध्यक्ष दुगडले आई.एफ.आई.सि.बैक, नेपाल बंगलादेश बैंक र नेपाल राष्ट्र बैंकलाई विपक्षी बनाएर उच्चा दलत पाटनमा पुस २१ गते २ वटा मुद्दा दायर गरेका छन् । आफ्नो स्वामित्वमा रहेको नेपाल बंगलादेश बैंकको शेयर बिक्रि गर्नको आई.एफ.आई.सि.बैकले आफुसँग सम्झौता गरेको तर सम्झौता विपरित अहिले शेयर अरु नै पक्षलाई बिक्रि गर्न लागेको भन्दै दुगडले मुद्दा दायर गरेका हुन् । बैंकको सम्पूर्ण सेयर १५७ रुपैयाँ प्रति कित्ताका दरमा खरिद गर्ने गरी सम्झौता भएको र सो सम्झौता बिपरित अहिले आई.एफ.आई.सि बैंकले अर्कै समुहलाई शेयर बिक्रि लागेको भन्दै दुगडले मुद्दा दायर गरेक हुन्। दुगडले निषेधाज्ञा र परमादेश गरि २ वटा मुद्दा दायर गरेका हुन् । सम्झौता गरिसकेको अवस्थामा आफुलाई निषेध गरेर अर्को पक्ष सँग शेयर खरीद बिक्रि गर्न लागेको भन्दै उनले त्यसलाई रोक्न माग गरेका छन् । त्यस्तै उनले आफुसँग भएको पुरानो सम्झौता अनुसार नै शेयर खरीद बिक्रिको प्रक्रिया अगाडी बढाउँनको लागि परमादेशको माग गरेका छन् । उनले यसबारे नेपाल राष्ट्र बैंकमा उजुरी दिएका छन् ।अदालतमा दायर गरेको मुद्दामा आज पेशी तोकिएपनि उनकै कानुन व्यवसायीको तर्फबाट स्थगित भएको छ । उच्च अदालतका मुख्य न्यायधीश नृपध्वज निरौला र न्यायाधिश नारायण प्रसाद पौडेलको संयुक्त इजलाशमा यो मुद्दा क्रमश १ र २ नम्बरमा पेशी तोकिएको थियो । तर दुवै मुद्दाको सुनुवाई उनकै कानुन व्यवसायीको तर्फबाट स्थगित भएको छ ।
