व्यवस्थापिका संसद्को अर्को अधिवेशन आह्वान नभएसम्म प्रधानमन्त्रीको अर्को निवार्चन नहुने भएको छ । चालू अधिवेशनमा नटुंगिएका प्रस्तावहरू अर्को अधिवेशनमा लैजाने नियमअनुरूप अब प्रधानमन्त्रीको निर्वाचनको प्रस्ताव पनि स्वत: अर्को अधिवेशनसम्मका लागि स्थगित भएको संवैधानिक कानूनका विज्ञहरू बताउँछन् । राजीनामा दिएको सरकारले अर्को प्रधानमन्त्री नबनुन्जेल संसद्को अधिवेशन अन्त्य गर्न नहुने परम्परा तोडिएपछि नेपालको राजनीति तीव्र धुवीकरणको दिशामा अग्रसर भएको संवैधानिक कानूनका ज्ञाता डा. भीर्माजुन आचार्य बताउँछन् । अध्यादेश ल्याउनै पर्ने अवस्थामा संसद्को चालू अधिवेशन अन्त्य गर्न सकिने प्रावधान भए पनि तत्कालै अर्को अधिवेशन बोलाउन पुन: प्रधानमन्त्रीको सिफारिशमा राष्ट्रपतिले आह्वान गर्नुपर्ने हुन्छ । आचार्यले भने, ‘अब प्रधानमन्त्रीको निर्वाचनका निम्ति अर्को अधिवेशन कुर्नुको विकल्प छैन ।’ अध्यादेशमार्फत आएपछि बजेटलाई लिएर वामपन्थीहरूबीच नै पनि तीव्र धु्रवीकरणको स्थिति उत्पन्न भएको आचार्यको भनाइ छ ।
६, अंक ६२ आइतवार, ५, मंसिर २०६७
