प्रमुख प्रतिपक्षी दल नेकपा एमालेको विरोधका बावजुद सरकारले प्रतिनिधि सभामा केही अध्यादेश पेश गरेको छ ।
मंगलवार शुरू भएको प्रतिनिधि सभा बैठकमा गृहमन्त्रीको तर्फबाट कानूनमन्त्री दीलेन्द्र बडूले तेजाव तथा अन्य घातक रासायनिक पदार्थ नियमन अध्यादेश २०७८ लगायत केही अध्यादेश पेश गरेका हुन् ।
यौन हिंसाविरुद्धका केही ऐनलाई संशोधन गर्ने अध्यादेश २०७८ लगायत ६ वटा अध्यादेश मंगलवार प्रतिनिधि सभामा पेश भएका छन् । एमालेको अवरोधपछि सभामुख अग्नि सापकोटाले प्रतिनिधि सभाको बैठक पुस ६ गते मंगलवारसम्मका लागि स्थगित गरेका छन् ।
