काठमाडौं । युनिक नेपाल लघुवित्त वित्तीय संस्थाको पाँचौं वार्षिक साधारण सभा कोहलपुरमा सम्पन्न भएको छ ।
सभाले सञ्चालक समितिको प्रतिवेदन, आर्थिक वर्ष (आव) २०७९/०८० को लेखापरीक्षण प्रतिवेदन, आगामी वर्ष २०८०/०८१ को लागि लेखापरीक्षकको नियुक्तिका प्रस्ताव सर्वसम्मतिले पारित गरेको छ ।
सभाले भविष्यमा कुनै उपयुक्त लघुवित्त वित्तीय संस्थासँग गाभ्ने/गाभिने तथा प्राप्ति/समाहित गर्ने कार्यको लागि सञ्चालक समितिलाई अख्तियारी प्रदान गरेको छ । त्यस्तै संचालक समितिमा सर्वसाधारण शेयरधनीबाट बाँकेको कोहलपुरका जागेश्वर प्रसाद चौधरीलाई सर्वसम्मतिबाट चयन गरेको छ ।
हाल कम्पनीको चुक्ता पूँजी रु. १४ करोड ८५ लाख ७५ हजार रहेको छ ।
