काठमाण्डाै – विवादमा तानिएका अर्थमन्त्री जनार्दन शर्माको सम्बोधनको विषयलाई लिएर संसद् बैठक पनि प्रभावित भएको छ । शर्माले संसदमा सम्बोधन गर्ने तयारी गरेपछि प्रमुख प्रतिपक्षी दल नेकपा एमालेले संसद् चल्न नदिने चेतावनी दिएको छ ।
११ बजे बस्ने भनिएको बैठक १ बजेसम्म पनि सुरु हुन नसकेपछि सूचना टाँसेर २ बजेसम्मका लागि स्थगित भएको छ । सभामुख अग्नि सापकोटाले बैठकअघि दलहरूसँग छलफल गरे पनि सहमति नजुटेपछि बैठक स्थगित भएको हो ।
