कात्तिक १७, काठमाडौं । नेपालमा विगत २४ घण्टामा कोरोना भाइरसको ४४७ जना संक्रमित थपिएका छन् ।
स्वास्थ्य तथा जनसङ्ख्या मन्त्रालयले बुधवार दिएको जानकारी अनुसार उक्त अवधिमा ९ हजार ९१३ मा कोरोना परीक्षण गर्दा ४४७ जनामा कोरोना भाइरसको संक्रमण पुष्टि भएको हो ।
सो अवधिमा कोरोना संक्रमणका कारण सात जनाको मृत्यु भएको छ । योसँगै नेपालमा कोरोना संक्रमणका कारण ११ हजार ४३४ जनाको मृत्यु भएको छ । यसैगरी ४३९ जना संक्रमणमुक्त भएका छन् ।
मंगलवार भने ४६९ जनामा कोरोना संक्रमण पुष्टि भएको थियो ।मन्त्रालयका अनुसार हाल मुलुकभर सक्रिय संक्रमितको संख्या ९ हजार १२३ रहेको छ । नेपालमा हाल कोरोना संक्रमणदर दर १८ दशमलव ३ प्रतिशत रहेको छ ।
अहिलेसम्म नेपालमा संक्रमणबाट मुक्त हुनेको संख्या ७ लाख ९३ हजार २७१ रहेको छ । नेपालमा संक्रमणमुक्त हुने दर ९७ दशमलमव ५ प्रतिशत रहेको छ ।
बुधवार ९७ हजार ७० जनाले कोरोना भाइरसविरुद्धको खोप लगाएका छन् ।
योसँगै अहिलेसम्म ८७ लाख १९ हजार ९९५ जनाले पहिलो मात्रा र ७३ लाख ८१ हजार २०२ जनाले पूर्ण मात्राको खोप लगाएका छन् ।
संक्रमित शून्य जिल्ला दुई ओटा
मन्त्रालयका अनुसार हुम्ला र मुगु जिल्लामा कोरोना संक्रमितको संख्या शून्य रहेको छ ।
