नेपाल राष्ट्र बैंकले २६ अर्ब १० करोड रुपैयाँ बराबरको ट्रेजरी बिल सार्वजनिक गर्ने भएको छ । बैंकले आगामी असार १४ गते २८ दिने, ९१ दिने, १८२ दिने र ३६४ दिने गरी चार किसिमको ट्रेजरी बिल निष्काशन गर्ने भएको हो । बैंकका अनुसार कुल २६ अर्ब १० करोड रुपैयाँ मध्ये २८ दिनका लागि २ अर्ब रुपैयाँ छुट्याइएको छ भने ९१ दिनका लागि ९ अर्ब १० करोड रुपैयाँ, १८२ दिनका लागि १० अर्ब रुपैयाँ र ३६४ दिनका लागि ५ अर्ब रुपैयाँ छुट्याइएको छ । इच्छुक खरिदकर्ताहरुले असार १३ गते सोमबार दिउँसो ३ बजेसम्म आवेदन दिन सक्नेछन् ।
