काठमाडौं । गत आर्थिक वर्षको चौथो त्रैमाससम्म ओरियण्टल होटल्स लिमिटेड १७ करोड ८४ लाख रुपैयाँभन्दा बढी खुद नाफा गरेको छ । अघिल्लो वर्ष यस अवधिसम्म २ करोड ४६ लाख रुपैयाँभन्दा बढी खुद नोक्सानीमा रहेको कम्पनीले गत वर्ष भने खुद नाफा गर्न सफल भएको हो ।
गत वर्ष होटल्सको सञ्चालनबाट नाफा करीब ८०७ प्रतिशत बढेको छ । अघिल्लो वर्ष ३ करोड २२ लाख रुपैयाँभन्दा बढी सञ्चालनबाट नाफा गरेको होटल्सले गत वर्ष २९ करोड २१ लाख रुपैयाँभन्दा बढी यो नाफा गरेको हो ।
हाल होटल्सको चुक्ता पूँजी १ अर्ब १२ करोड ८० लाख ९० हजार रुपैयाँ छ । जगेडा कोष रकम भने १ अर्ब ४ करोड ९९ लाख रुपैयाँभन्दा बढी कायम छ । वार्षिक प्रतिशेयर आम्दानी १५ रुपैयाँ ८२ पैसा रहेको होटल्सको प्रतिशेयर नेटवर्थ १९३ रुपैयाँ ७ पैसा छ ।
रिपोर्ट हेर्न यहाँ क्लिक गर्नुहोस्
