साउन १४, टोकियो (जापान) । जापानी अटो निर्माता कम्पनी टोयोटा विश्वको सर्वाधिकार विक्रेता कम्पनी बनेको छ ।
यस वर्षको पहिलो अर्धवार्षिक अवधिमा कम्पनीले विश्वभर ५४ लाख७० हजार थान सवारी साधन विक्री गरेको बिहीवार कम्पनीले सार्वजनिक गरेको तथ्यांकले देखाएको छ ।
योसँगै वर्षको पहिलो अर्धवार्षिक अवधिमा टोयोटाले जर्मन अटो निर्माता फक्सवागन एजीलाई पछाडि पार्दै लगातार दोस्रो पटक सर्वाधिक विक्रेताबनेको हो ।
यसले कोरोनाभाइरसको महामारीको प्रभावबाट कम्पनीको तीव्र पुनःबहाली भएको र विश्वभर चिप अभावका कारण उत्पन्न समस्याबाट तुलनात्मक रुपमा कम्पनीमाथि रहेको देखाएको छ ।
सन् २०१९ को पहिलो अर्धवार्षिक अवधिमा टोयोटाले विश्व बजारमा ५३ लाख १० हजार थान सवारी साधन विक्री गरेको थियो । एजेन्सी
