साउन ७, काठमाडौं । साताको अन्तिम कारोबार दिन बिहीवार सात ओटा कम्पनीको शेयर मूल्यमा सकारात्मक सर्किट लागेको छ ।
यो दिन लक्ष्मी उन्नती कोष, सीईडीबी हाइड्रोपावर, ङादी ग्रुप पावर,पोखरा फाइनान्स,माउण्टेन हाइड्रो नेपाल ,लक्ष्मी इक्विटी फण्ड र ग्लोबल आइमएई समुन्नत १ को इकाई मूल्यमा सकारात्मक सर्किट लागेको हो ।
ती सात ओटा कम्पनीमध्ये लक्ष्मी उन्नती कोष,सीईडीबी हाइड्रोपावर र ङादी ग्रुप पावर कम्पनीको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको छ ।
लक्ष्मी उन्नती कोषले इकाईधनीलाई २५ प्रतिशत नगद लाभांश करसहित वितरण गर्ने घोषणा गरेसँगै इकाई मूल्यमा वृद्धि भएको हो । यस कोषको इकाई मूल्य प्रतिइकाई रू.१५ दशमलव ६८ रहेको छ ।
त्यसैगरी सीईडीबी हाइड्रोपावरको शेयरमूल्य प्रतिकित्ता रू. ७५९ र ङादी ग्रुप पावरको रू. ६९४ दशमलव १० पुगेको छ ।
त्यस्तै पोखरा फाइनान्सको शेयरमूल्य अघिल्लो कारोबार दिनको तुलनामा ९ दशमलव ९५ प्रतिशत,माउण्टेन हाइड्रो नेपालको ९ दशमलव ९५ प्रतिशत,लक्ष्मी इक्विटी फण्डको ९ दशमलव ५३ प्रतिशत र ग्लोबल आइएमई समुन्नत स्किम १ को इकाई मूल्य ९ दशमलव ५० प्रतिशतले वृद्धि भएको हो ।
ती सात ओटै कम्पनीको शेयरमा बजार बढेसँगै विक्रेताभन्दा क्रेता धेरै भएकाले शेयर मूल्य बढेको हो । त्यसैगरी लक्ष्मी इक्विटी फण्डले इकाईधनीहरुलाई ३५ प्रतिशत नगद लाभांश करसहित वितरण गर्ने घोषण गरेसँगै लगानीकर्ताको आर्कषण बढेको देखिन्छ ।
पोखरा फाइनान्सको शेयरमूल्य प्रतिकित्ता रू. ७१८,माउण्टेन हाइड्रो नेपालको रू. ४५३,लक्ष्मी इक्विटी फण्डको रू. १७ दशमलव ५८ र ग्लोबल आइएमई समुन्नतको प्रतिइकाई रू. २४ दशमलव २० पुगेको हो ।
साउन ५, काठमाडौं । साताको तेस्रो कारोबार दिन मंगलवार बजार खुलेको डेढ घण्टाको अवधिमा कारोबारमा आएका २०८ ओटा कम्पनीमध्ये पाँच ओटा म्युचुअल फण्डको इकाईमा सर्वाधिक खरीद माग रहेको छ ।
उक्त अवधिसम्ममा लक्ष्मी उन्नती कोष,ग्लोबल आइएमई समुन्नत स्किम १, लक्ष्मी इक्विटी फण्ड,सिद्धार्थ इन्भेष्टमेण्ट ग्रोथ स्किम १ र सानिमा इक्विटी फण्डको इकाईमा सर्वाधिक खरीद माग रहेको छ ।
ती पाँच ओटा योजनामध्ये सबैभन्दा बढी लक्ष्मी उन्नती कोषको १७ लाख १८ हजार ४१ इकाई खरीदको लागि माग रहेको छ । उक्त योजनाले इकाईधनीहरुलाई २५ प्रतिशत नगद लाभांश वितरण गर्ने प्रस्ताव गरेसँगै लगानीकर्ताको आकर्षण बढेको हो ।
त्यसैगरी ग्लोबल आइएमई समुन्नतको १४ लाख ६० हजार ७०, लक्ष्मी इक्विटी फण्डको १२ लाख ३७ हअजार ८५०,सिद्धार्थ इन्भेष्टमेण्ट ग्रोथ स्किमको ११ लाख ५० हजार र सानिमा इक्विटी फण्डको ९ लाख ४३ हजार ५०० इकाई खरीद माग रहेको छ ।
