काठमाडौं । मञ्जुश्री फाईनान्स लिमिटेले पुस २५ गते १६औं वार्षिक साधारण सभा बोलाएको छ । पुस २ गते बसेको कम्पनीको सञ्चालक समितिको बैठकले अपरान्ह ३ बजेर १५ मिनेटमा सभा गर्ने निर्णय गरेको हो । सभा हुने स्थान भने कम्पनीकोले सूचनामा उल्लेख गरेको छैन् ।
कम्पनीले सभामार्फत गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय टुङ्ग्याउनेछ ।
साथै प्रस्तावित कुल ५ दशमलव २६३ प्रतिशत नगद लाभांश प्रस्ताव पनि सभाले पारित गर्नेछ । हाल कम्पनीको चुक्तापूँजी १ अर्ब ३५ करोड १५ लाख ५२ हजार रूपैयाँ रहेको छ । सोही पूँजीको आधारमा कम्पनीले लाभांश वितरण गर्न लागेको हो ।
साधारण सभा प्रयोजनका लागि कम्पनीले पुस ११ गते एक दिन बुक क्लोज गर्ने भएको छ । बुक क्लोजको आधारमा अघिल्लो कारोबार दिनसम्म कायम शेयधरनीहरूले मात्र सभामा भाग लिन र लाभांश प्राप्त गर्न सक्नेछन् ।
