टासी छिरिङले गोकर्ण गल्फ क्लबमा शनिबार भएको पेप्सी ओपन गल्फ प्रतियोगिताको उपाधि जितेका छन् । उनले २६ स्टेबलफोर्ड अंकका साथ उपाधि जिते । सोनम नोर्बु लामासँग टाइ भए पनि काउन्ट ब्याकका आधारमा टासीले उपाधि जिते । वर्षाले गर्दा १८ होलको खेल ११ होलमा घटाइएको थियो । टासीले अन्तिम ६ होलमा १४ अंक बटुल्दा सोनमले १२ अंक थियो । टासीले सर्वाधिक बर्डिजको अवार्ड पनि जिते । उनले ६ बर्डिज प्रहार गरे । सोनम उपविजेता भए ।
