काठमाडौं (अस) । गोकर्ण गल्फ क्लबमा भएको पेप्सी ओपन गल्फ प्रतियोगिताको उपाधि भाइराजा पाण्डेले जितेका छन् ।
पाण्डेले विजय श्रेष्ठ इनहाउस र टेन्डी शेर्पासँग ३६ अंकमा बराबरी गरेका थिए । उनले काउन्ट ब्याक ब्याक नाइनमा १९ स्कोर बनाएर उपाधि जितेका थिए श्रेष्ठले १७ र शेर्पाले १६ स्कोर बनाए ।
विजय श्रेष्ठ इनहाउसले स्क्र्याचसँग खेल्दै (शून्य) ह्यान्डिक्याप उपविजेता बने ।
सद्भाव आचार्यले ३७ ग्रोस अंकका साथ बेस्ट ग्रसको उपाधि जिते । (६० वर्षााथि) का टेन्डी शेर्पा ३६ अंकका साथ विजेता भए ।
महिलातर्फ ३२ अंकका साथ कश्मिरा शाहले उपाधि जितिन् भने रेखा घिमिरे २८ अंकका साथ उपविजेता भइन् ।
आश्र्या बस्न्यात ३९ अंक जोडेर जुनियर विजेता भइन् । मार्कस डबलार्डले सबैभन्दा नजिकको पिन र धुन्दुल नामग्यालले सबैभन्दा लामो ड्राइभ जितेका थिए ।
वरुण बेभरेज (नेपाल) प्रालिले प्रायोजन गरेको प्रतियोगितामा सबै ९५ गल्फ खेलाडीले सहभागिता जनाएका थिए । प्रतियोगिता ३/४ ह्यान्डिक्यापसहित स्टेबलफोर्ड फम्र्याटमा खेलाइएको थियो ।
प्रतियोगिता विजेतालाई वरुण बेभरेज प्रालिका मार्केटिङ हेड डा. ली हमन्थ वाङ्सुल, मार्केटिङ म्यानेजर पुलकित कोन्डोई, गोकर्ण गल्फ क्लबका अध्यक्ष सुहृद घिमिरे र क्याप्टेन जोसेफ नाथनले ट्रफी हस्तान्तरण गरे ।
