एकपछि अर्को गरी चितुवा मृत अवस्थामा भेटिन थालेका छन् । गत जेठ ३ गते नवदुर्गा गाउँपालिकाको एक जङ्गलमा पोथी चितुवा मृत अवस्थामा भेटिएको थियो । साउन १ गते गन्यापधुराको जङ्गलमा भाले चितुवा मृत अवस्थामा भेटिएको छ भने बिहीबार अजयमेरु गाउँपालिकाको जङ्गलमा एक चितुवा मृत फेला परेको छ । अजयमेरु गाउँपालिका–३, भद्रपुरको जङ्गलमा एक चितुवा मृत फेला परेको डिभिजन वन कार्यालका निमित्त प्रमुख सुरेशचन्द्र डिसीले जानकारी दिनुभयो ।
