स्वावलम्बन लघुवित्तको संस्थापक शेयर बजार मूल्यभन्दा ८२ रुपैयाँ घटीमा विक्री खुला

काठमाडौं । स्वावलम्बन लघुवित्त वित्तीय संस्था लिमिटेडले संस्थापक तर्फको ९३६ कित्ता शेयर असार ८ गतेदेखि विक्रीमा ल्याएको छ । ज्ञानेन्द्र प्रसाद पाण्डेको नाममा रहेको उक्त शेयर प्रतिकित्ता रू. ७०० मा विद्यमान संस्थापक शेयरधनीहरूमा विक्री खुला गरिएको हो ।  धितोपत्र दोस्रो बजारमा कम्पनीको संस्थापकतर्फको शेयर मूल्य पछिल्लो कारोबार दिन प्रतिकित्ता रू. ७८२ कायम भएको छ । बजार मूल्यभन्दा रू. ८२ कम मूल्यमा कम्पनीको संस्थापक शेयर विक्रीमा आएको हो । यो शेयर खरीद गर्न इच्छुक विद्यमान संस्थापक शेयरधनीहरूले आगामी ३५ दिनभित्र तोकिएको मूल्य वा सोभन्दा बढी मूल्य अंकित गरी बोलपत्र पेश गर्नुपर्नेछ ।  यो शेयर खरीदका लागि कम्पनीको केन्द्रीय कार्यालय कमलपोखरी, काठमाडौंमा पेस गर्नुपर्नेछ । तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थाहरूमा विक्री गरिने कम्पनीले जानकारी दिएको छ ।