कान्तिपुरमा बुधबार प्रकाशित ‘प्राध्यापकलाई अवमूल्यन गर्ने उपकुलपति छनोट प्रक्रिया’ शीर्षकको लेख पढेपछि केही टिप्पणी गर्न मन लाग्यो । त्रिविको उपकुलपति बन्न जति जना प्रतिस्पर्धामा उत्रिएका छन्, उनीहरूको सोच र रणनीतिका दस्ताबेज मन्त्रालयको बन्द कोठामा विज्ञको टोलीले मूल्यांकन गर्नुभन्दा विश्वविद्यालयभित्र सरोकारवाला प्राध्यापक, कर्मचारी, विद्यार्थीमाझ छलफल र बहसका लागि सार्वजनिक गरिएको भए उत्तम हुने लेखकको धारणा चित्त बुझ्दो छ ।