सभापतिसहित ६ जना सदस्य मन्त्री बनेपछि प्रतिनिधिसभाको महत्त्वपूर्ण मानिने राज्यव्यवस्था तथा सुशासन समितिका काम प्रभावित भएका छन् । प्रधानमन्त्री तथा मन्त्रिपरिषद्को कार्यालय, गृह, रक्षा र संघीय मामिला तथा सामान्य प्रशासन मन्त्रालय, अख्तियार दुरुपयोग अनुसन्धान आयोग, लोक सेवा आयोग र निर्वाचन आयोगजस्ता निकायका कामको संसदीय अनुगमन र मूल्यांकन गर्ने कार्यक्षेत्र यो समितिभित्र पर्छ । तर पछिल्लो समय समितिका काम प्रभावित भएका छन् ।
