काठमाडौं : महाकाली नदीमा बगेर बेपत्ता भएका किशोरीहरू अझै भेटिएका छैनन्। बैतडीको दशरथचन्द नगरपालिका-८ की १६ वर्षीया कविता टमटा र १५ वर्षकी संगीता टमटा हिजो महाकाली नदीमा बगेर बेपत्ता भएका थिए।आज पनि बिहानै देखि सुरक्षाकर्मीसहित स्थानीयले खोजी गरिराखेको बैतडीका सहायक प्रमुख जिल्ला अधिकारी खगेन्द्र भारतीले जानकारी दिए। महाकाली नदीमा नुहाउने क्रममा नदीस्थित नगतडीबाट हिजो दिउँसो १ बजेदेखि बेपत्ता भए पनि प्रहरी र प्रशासनलाई भने साँझ मात्रै सूचना पुगेको भारतीले बताए।
