काठमाडौं । एनआईसी एशिया लघुवित्त वित्तीय संस्था लिमिटेडले पुस ६ गते छैठौं वार्षिक साधारण सभा बोलाएको छ । मङ्सिर ८ गते बसेको कम्पनीको सञ्चालक समितिको बैठकले गोर्खा होटल, धरान, सुनसरीमा बिहान ९ बजे सभा गर्ने निर्णय गरेको हो ।
सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरण पारित गर्नुका साथै प्रस्तावित लाभांशलाई समेत अन्तिम स्वीकृति प्रदान गर्नेछ ।
कात्तिक १ गते बसेको कम्पनीको सञ्चालक समितिको बैठकले हाल कायम चुक्ता पूँजीको आधारमा करसमेत १५ प्रतिशत नगद लाभांश दिने प्रस्ताव गरेको छ । हाल कम्पनीको चुक्ता पूँजी १ अर्ब ७३ करोड ९४ लाख ४० हजार रुपैयाँ छ ।
कम्पनीले गत वर्षभन्दा यस वर्ष बढी लाभांश वितरण गर्न लागेको हो । गत वर्ष कम्पनीले १४ दशमलव ७५ प्रतिशत करसमेत नगद लाभांश वितरण गरेको थियो । त्यसअघिको वर्ष भने कम्पनीले करसमेत ५ दशमलव ४१ प्रतिशत नगद लाभांश वितरण गरेको थियो ।
यी प्रस्तावसँगै संस्थापक समूहबाट एक जना सञ्चालक निर्वाचनको कार्यक्रम समेत सभाका लागि तय भएको छ । संस्थाको प्रबन्धपत्र तथा नियमावलीमा समसामयिक संशोधन गर्ने प्रस्ताव गर्दै कम्पनीले उक्त कार्यका लागि सभामार्फत सम्पूर्ण जिम्मेवारी सञ्चालक समितिलाई दिने भएको छ ।
साधारण सभा प्रयोजनका लागि कम्पनीले मङ्सिर २५ गतेदेखि सभा हुने दिनसम्म बुक क्लोज गर्ने भएको छ । बुक क्लोजको आधारमा मङ्सिर २४ गतेसम्म कायम शेयरधनीहरू मात्र सभामा भाग लिन र लाभांश प्राप्त गर्न योग्य हुनेछन् ।
सूचना हेर्न यहाँ क्लिक गर्नुहोस्
काठमाडौं। गत आर्थिक वर्ष २०७९/८० को मुनाफाबाट हालसम्म पाँच वाणिज्य बैंकले लाभांश प्रस्ताव गरेका छन् । माछापुच्छ्रे, एभरेष्ट, सानिमा, सिटिजन्स बैंक इन्टरनेशनल र एनआईसी एशिया बैंकले गत आर्थिक वर्ष (आव) को अन्त्यसम्मको सञ्चित मुनाफाबाट लाभांश सार्वजनिक गरेका हुन् ।
यस वर्ष माछापुच्छ्रे बैंकले कुल १४ प्रतिशत, एभरेष्ट बैंकले २० दशमलव ५३ प्रतिशत, सानिमा बैंकले १४ दशमलव ७० प्रतिशत, सिटिजन्स बैंक इन्टरनेशलले ५ दशमलव ७९ प्रतिशत र एनआईसी एशिया बैंकले ३० दशमलव ५३ प्रतिशत लाभांश दिन लागेका छन् ।
माछापुच्छ्रे बैंकले १३ दशमलव ३० प्रतिशत बोनस शेयर र कर प्रयोजनका लागि शून्य दशमलव ७० प्रतिशत नगद लाभांश प्रस्ताव गरेको छ । एभरेष्ट बैंकले १० प्रतिशत बोनस र १० दशमलव ५३ प्रतिशत नगद, सानिमा बैंकले ९ प्रतिशत बोनस शेयर र ५ दशमलव ७० प्रतिशत नगद लाभांश दिने प्रस्ताव गरेको छ । सिटिजन्स बैंकले भने यस वर्ष करसमेत ५ दशमलव ७९ प्रतिशत नगद लाभांश मात्र वितरण गर्ने प्रस्ताव गरेको छ । अघिल्ला २ आव लाभांश वितरणमा नेपाल राष्ट्र बैंकले रोक लगाएको एनआईसी एशिया बैंकले भने २९ प्रतिशत बोनस शेयर र कर प्रयोजनका लागि १ दशमलव ५३ प्रतिशत नगद लाभांश वितरणको प्रस्ताव गरेको छ
गत आव लाभांश वितरण नगरेको माछापुच्छ्रे बैंकले यस वर्ष वाणिज्य बैंकमध्ये सबैभन्दा पहिला लाभांश पारित गर्न लागेको छ । माछापुच्छ्रेले असोज १८ गते वार्षिक साधारणसभा बोलाइसकेको छ ।
हालसम्म लाभांश घोषणा गरेका पाँच बैंकमध्ये यसअघि एनआईसी एशिया बैंकले २ आव र माछापुच्छ्रे बैंकले गत आव लाभांश वितरण गरेको थिएन । यसअघि आव २०७७/७८ को मुनाफाबाट माछापुच्छ्रे बैंकले १३ दशमलव ३० प्रतिशत बोनस शेयर र शून्य दशमलव ७० प्रतिशत नगद लाभांश वितरण गरेको थियो ।
एनआईसी एशिया बैंकले यसअघि आव २०७६/७७ को मुनाफाबाट १९ प्रतिशत बोनस शेयर र कर प्रयोजनका लागि १ प्रतिशत नगद लाभांश वितरण गरेको थियो । दुई आव लगानीकर्ताको हात खाली भएको एनआईसी एशिया बैंकले अघिल्लो वर्षभन्दा बढी लाभांश प्रस्ताव गरेको हो ।
गतवर्षभन्दा यस वर्ष सानिमा बैंकको लाभांशसमेत बढी छ । गत वर्ष १० प्रतिशत बोनस शेयर र कर प्रयोजनका लागि शून्य दशमलव ९८ प्रतिशत नगद लाभांश वितरण गरेको सानिमा बैंकले यस वर्ष ३ दशमलव ७२ प्रतिशत विन्दु बढी लाभांश वितरण गर्न लागेको हो । एभरेष्ट र सिटिजन्स बैंक इन्टरनेशनलको लाभांश भने यस वर्ष घटेको छ । गतवर्ष १३ प्रतिशत बोनस शेयर र कर प्रयोजन समेतका लागि ७ दशमलव ६८ प्रतिशत लाभांश वितरण गरेको एभरेष्ट बैंकले शून्य दशमलव १५ प्रतिशत विन्दुले कम लाभांश वितरण गर्न लागेको हो । त्यस्तै गतवर्ष करसमेत ९ प्रतिशत नगद लाभांश वितरण गरेको सिटिजन्स बैंकले यस वर्ष ३ दशमलव २१ प्रतिशत विन्दुले कम लाभांश वितरण गर्न लागेको हो ।
लाभांशले बढेन लगानीकर्ताको उत्साह
बैंकहरूको लाभांश प्रस्ताव सार्वजनिक भए पनि लगानीकर्तामा भने उत्साह देखिएको छैन् । सिटिजन्स बैंकको लाभांश सार्वजनिक भएकै दिन आइतवार शेयरमूल्य प्रतिकित्ता १० रुपैयाँ ५० पैसाले घटेको छ । त्यस्तै भदौ २८ गते लाभांश प्रस्ताव गर्ने निर्णय गरेको एनआईसी एशिया बैंक र सानिमा बैंकको लाभांश सार्वजनिक पछिको पहिलो कारोबार दिन शेयर मूल्य घटेको छ । एनआईसी एशिया बैंकको शेयरमूल्य प्रतिकित्ता ५ रुपैयाँले र सानिमा बैंकको प्रतिकित्ता १२ रुपैयाँ ४० पैसाले घटेको हो ।
एभरेष्ट बैंकले भदौ २७ गते लाभांश वितरणको प्रस्ताव गरेको थियो । २८ गते सार्वजनिक बिदा परेकाले बजार खुला भएको थिएन । लाभांश प्रस्तावपछि पहिलो कारोबार दिन एभरेष्ट बैंकको शेयरमूल्य भने प्रतिकित्ता १५ रुपैयाँ ७० पैसाले बढेको छ । माछापुच्छ्रे बैंकले भने भदौ १३ गते लाभांश प्रस्ताव गरेको हो । लाभांश प्रस्ताव गरेको दिन प्रतिकित्ता २७५ रुपैयाँ ९० पैसा रहेको बैंकको शेयरमूल्य भदौ ३१ गतेको कारोबारमा अन्तिम मूल्य प्रतिकित्ता २६८ रुपैयाँ कायम भएको छ । लाभांश प्रस्तावपछि माछापुच्छ्रे बैंकको शेयरमूल्य प्रतिकित्ता ७ रुपैयाँ ९० पैसाले घटेको छ । कम्पनीहरूको शेयरमूल्य लगानीकर्ताको माग र आपूर्तिका आधारमा बढ्ने घट्ने हुन्छ । समग्र बजार घटेको दिन पनि माग बढी भएका कम्पनीको शेयरमूल्य बढ्ने गर्छ । पछिल्लो साता बजार बढेकै थियो । यो अवस्थामा पनि लाभांश सार्वजनिक भएका कम्पनीहरूको शेयरमूल्य घटेको अवस्थालाई हेर्दा लाभांशप्रति लगानीकर्ता सन्तुष्ट नभएको पुष्टि हुन्छ ।
एनआईसी एशिया लघुवित्त वित्तीय संस्थाले २५ करोड ६५ रुपैयाँ लाभांश वितरण गर्ने भएको छ । संस्थाको सञ्चालक समितिको १६८ औं बैठकले सो निर्णय गरेको हो । संस्थाका सेयरधनीलाई गत आर्थिक वर्ष २०७८/०७९ को संचित मुनाफाबाट हाल कायम चुक्ता पुँजी एक अर्ब ७३ करोड ९४ लाख ४० हजारको १४.७५ प्रतिशत अर्थात २५ करोड ६५ लाख ६७ […]
एनआईसी एशिया क्यापिटलको छैठौं वार्षिक साधारणसभा सम्पन्न भएको छ ।सभाले इकाईधनीलाई चुक्ता पुँजीको ५५ प्रतिशत (करसहित) का दरले हुने ११ करोड नगद लाभांश दिने प्रस्ताव पारित गरेको छ । यस्तै सभाले आर्थिक वर्ष २०७८/०७९ को सञ्चालक समितिको प्रतिवेदन, असार मसान्तसम्मको वासलात, नाफा नोक्सान हिसाव तथा नगद प्रवाह विवरण लगायत वार्षिक वित्तीय विवरण पारित गरेको छ […]
एनआईसी एशिया बैंकले आर्थिक वर्ष २०७७/७८ को नाफाबाट १५.७८९ प्रतिशत लाभांस दिने भएको छ । कम्पनीको ५११औं सञ्चालक समितिको बैठकले आफ्ना लगानीकर्तालाई उक्त लाभांश वितरण गर्ने प्रस्ताव गरेको हो ।कम्पनीले सञ्चित मुनाफाबाट चुक्ता पुँजीको १५.७८९ प्रतिशत लाभांश (१ अर्ब ८२ करोड ५८ लाख) वितरण गर्ने प्रस्ताव गरेको छ । बैठकले उक्त प्रस्तावित लाभांश मध्ये १५ प्रतिशत बोनश शेयर (१ अर्ब ७३ करोड ४६ लाख) र ०.७८९ प्रतिशत नगद लाभांश (९ करोड १२ लाख ९४ हजार) लाभांश कर प्रयोजनार्थ प्रदान गर्ने निर्णय गरेको छ ।उक्त प्रस्त
काठमाडौं । एनआईसी एसिया बैंकले १५.७८९४७ प्रतिशत लाभांश दिने भएको छ ।
बैंकको कात्तिक ८ गते बसेको सञ्चालक समितिको बैठकले १५ प्रतिशत बोनस सेयर र कर प्रयोजनका लागि ०.७८९७४ प्रतिशत नगद लाभांश दिने प्रस्ताव गरेको हो ।
बैंकको प्रस्तावित लाभांश नेपाल राष्ट्र बैंकको स्वीकृति र आगामी वार्षिक साधारण सभाबाट पारित भएपछि सेयरधनीले पाउनेछन् ।
साउन २७, काठमाडौं । एनआईसी एशिया डाइनामिक डेब्ट फण्डको लाभांश सुरक्षित गर्ने अन्तिम दिन बुधवारसम्म रहेको छ ।
फण्डले १० प्रतिशत नगद लाभांश वितरणको लागि साउन २८ गते बुक क्लोज गरेसँगै बुधवारसम्म कायम इकाईधनीले नगद लाभांश पाउने छन् ।
कोष व्यवस्थापक एनआईसी एशिया क्यापिटलको सञ्चालक समितिको बैठकले गत वर्षको नाफाबाट फण्डका इकाईधनीहरुलाई करसहित १० प्रतिशत नगद लाभांश दिने निर्णय गरेको हो ।
