रौतहटको दक्षिणी भेग बौद्धीमाई नगरपालिकास्थित बंकुल बजारबाट चोरीको मोटरसाइकल सहित एक जना युवक पक्राउ परेका छन् । एक निजी बोर्डिङ स्कुलबाट बिहीबार दिउँसो चोरी भएको मोटरसाइकल सहित बौधिमाई ७ का ३२ वर्षीय मुकेश यादव लाई प्रहरीले पक्राउ गरेको जिल्ला प्रहरी प्रमुख एसपी विनोद घिमिरेले बताएका छन् ।आरोपी यादवमाथि चोरी सम्बन्धी मुद्दा दर्ता गरी जिल्ला अदालतबाट म्याद थमाई थप अनुसंधान सुरु गरिएको एसपी घिमिरेले जानकारी दिए ।
