काठमाडौ : ललितपुरको खोकना तोरी खेतीका लागि प्रसिद्ध ठाउँ हो। यहाँका स्थानीयहरू तोरी खेती गर्छन् र कोलमा पेलेर तेल निकाल्ने गर्छन्।यहाँ तोरीका परम्परागत मिलहरू अझै निकै छन्। तोरीको तेल बेचेरै धेरै खोकनाबासीले जीविकोपार्जन गरिरहेका छन्।बढ्दो शहरीकरणका कारण खेतीयोग्य जमिन मासिँदै गएपनि यहाँका किसानहरूले तोरी खेती गर्न छाडेका छैनन्। केही वर्ष अघिसम्म तोरी खेतीबाट नै जीवन निर्वाह गर्दै आएका किसानहरू जमिन मासिँदै जाँदा चिन्तित छन्।
